LIVE TV
ഹരിദ്വാര്: ഉത്തരാഖണ്ഡിലെ ഹരിദ്വാറില് വാട്ടര്ടാങ്ക് പരിശോധിക്കുന്നതിനിടയില് കണ്ടത് ഞെട്ടിക്കുന്ന കാഴ്ച. ഡസന് കണക്കിന് കുഞ്ഞ് പാമ്പുകള് സ്റ്റോറേജ് യൂണിറ്റില് ഇഴഞ്ഞുകളിക്കുന്നത് കണ്ട് അമ്പരന്നിരിക്കുകയാണ് ഹരിദ്വാറിലെ ഒരു കുടുംബം. ഹരിദ്വാറിലെ സാരായി ഗ്രാമത്തിലെ വീട്ടില് ടാങ്കിനുള്ളിലെ അസാധാരണ അനക്കം കണ്ട് പരിശോധിച്ചതോടെയാണ് അപ്രതീക്ഷിത കാഴ്ച കണ്ടത്. തുടർന്ന് വീട്ടുകാര് വനം വകുപ്പിനെ വിവരം അറിയിച്ചു.
തുടര്ന്ന് പാമ്പ് പിടിത്തക്കാരായ താലിബ്, ഭോല എന്നിവര് വീട്ടിലെത്തി ഇവയെ സുരക്ഷിതമായി ടാങ്കില് നിന്നും പുറത്തെടുത്തു. 27 പാമ്പിന് കുഞ്ഞുങ്ങളാണ് ടാങ്കില് ഉണ്ടായിരുന്നതെന്ന് റേഞ്ച് ഓഫീസര് ശിവ്പാല് സിങ് മാധ്യമങ്ങളോട് പറഞ്ഞു. പാമ്പിന്കുഞ്ഞുങ്ങളെ സുരക്ഷിതമായ ഇടത്തേക്ക് മാറ്റിയിട്ടുണ്ട്.
പാമ്പുകളെ പുറത്തെത്തിക്കുന്ന വിവരം അറിഞ്ഞതോടെ വീടിന് മുന്നില് വന് ജനക്കൂട്ടം എത്തി. വീട്ടിനുള്ളിലെ ടാങ്കില് ഇത്രയും പാമ്പുകളെ ഒന്നിച്ച് കണ്ടതിന്റെ അമ്പരപ്പിലായിരുന്നു പലരും.
Content Highlights: A video featuring 27 baby snakes found inside a household water tank has gone viral on social media. The unusual discovery attracted significant public attention, with viewers expressing surprise at the large number of hatchlings found in a residential setting. The footage has been widely shared across online platforms.
